Merke, Gereed, gaan! 

Wat is die Exito Skole Evalueringsprogram?

​Die Exito Skole Evalueringsprogram is 'n stimulasie en evalueringsprogram vir leerders van 4 maande – 6 jaar 

​Dit is ontwerp as 'n hulpmiddel vir juffrouens sodat hulle op ‘n holistiese wyse kan kyk na kinderontwikkeling. Onderwysers kry handleidings met uitgewerkte aktiwiteite waar een vaardigheid die volgende ondersteun en dit stelselmatig opgradeer om groei en vordering te weeg te bring. Die onderwysers ontvang volledige evalueringsmateriaal om die kinders se vordering aan te dui. Kinders word deurlopend ge-evalueer en die program verskaf riglyne oor waar 'n kind moet wees, dus kan onderwysers baie vinnig vasstel as daar 'n probleem is en kan dit onmiddelik aangespreek word. 

Wat Maak Die Program So Uniek?

Dit is 'n gebruikersvriendelike en deeglike evaluerings sisteem

​Dit is 'n effektiewe en prakties uitvoerbare program wat kinders se ontwikkeling op alle vlakke deurlopend monitor

​Dit bied 'n raamwerk om vroegtydig uitdagings te indentifiseer en kinders dan te verwys sodat elke kind optimaal kan ontwikkel

​Interessante, leersame en prettige aktiwiteite wat kinders se aandag hou en alle areas stimuleer en daardeur ontwikkeling verbeter

​Die program verskaf riglyne aan onderwysers vir belangrike aspekte van ontwikkeling

Stel ons op die Proef!

Gratis 30 Dae Proeftydperk! 

CVO Kleuterskool Potgietersrus

"Geagte Mev. M.Kotzé ( Die hele Éxito span) Ons het meer van julle stimulasie program te hoor gekry op ons BCVO Onderwysberaad in 2018. Nadat ons deur voorbeelde van julle jaargroepboeke en mylpaalboeke geblaai het, en gehoor het hoe goed die ander skole van julle stimulasie program praat het ons sommer dadelik besluit om ook die boeke aan te koop vir ons Kleuterskool. Die boeke omvat en beskryf al die belangrike aspekte van goeie stimulasie in en om die klas en behandel alles wat die juffrou nodig het om te weet en wat belangrik is en pas ook net so goed by ons kurrikulum en lesse in. Ons kan getuig dat julle stimulasie program beslis ‘n aanwins vir ENIGE skool sal wees. Vriendelike Groete CVO KLEUTERSKOOL POTGIETERSRUS 

Waaroor gaan die Éxito Stimulasie program?

Die Éxito stimulasie program het ontstaan uit die behoefte van voorskoolse onderwysers om optimale stimulasie aan hul skoliere te bied. Die behoefte vir riglyne aangaande spesifieke stimulering op spesifieke ouderdomme het na vore gekom. Weens die feit dat kinderontwikkeling soveel verskeie areas en aspekte het wat interafhanklik is van mekaar, streef die program juis daarna om kinders, 0-6 jaar, ‘n breë area van stimulering te bied om sodoende ‘n bydrae te lewer vir optimale ontwikkeling. Soos gesien kan word in die logo, Éxito, word daar gekyk na grofmotoriese-, fynmotoriese-, sensoriese en perseptuele vaardighede. Éxito se skrywers is beide pediatriese arbeidsterapeute met ‘n liefde en passie vir kinderontwikkeling. Hulle is van mening dat vroeë ontwikkeling die fondament vorm vir die ontwikkeling van alle ander vaardighede wat nodig is deur die loop van die lewe. Dus dra die kind se ontwikkeling ‘n groot deel by tot sy algehele sukses. Die doel van die program is dus om reeds op ‘n vroeë ouderdom te verseker dat kinders se ontwikkelingsfondamente sterk vasgelê word sodat hulle die nodige vaardighede sal hê wanneer hulle skool toe gaan en dat die fondamente gebruik kan word om verdere sukses op te bou. Vandaar ook die naam Éxito, Spaans vir “sukses”. Dit is juis waarna die skrywers streef: om tot ‘n mate by te dra tot elke kind se sukses. Die program gee dus die kind die vaardighede om die wedren te begin hardloop. Dus die leuse “Op jou merke gereed, gaan!” Die program is vir ‘n toets tydperk van een jaar geloods by ‘n Kleuterskool waarna die program gewysig is om verbruikersvriendelikheid en doeltreffendheid te verseker. 

Éxito: Spaans vir "Sukses"

Want elke kind kan Suksesvol wees as sy Fondasie reg gelê is!

Marmatertjies Kleuter Akademie CVO Marmer, Marble Hall

"Ons hier by Marmatertjies maak al die afgelope drie jaar van die Exito program gebruik. Ons het begin met ons gr 0 klassie en het dit verder uitgebrei na al ons klasse, babas tot gr 0. Die program ontwikkel en evalueer grof- en fynmotoriese vaardighede, asook perseptuele vaardighede. Ons evalueer ook ons kleuters kwartaalliks volgens die program. Dit is ‘n baie volledige verslag wat dan aan ouers uitgegee word. Uitvalle word gouer raakgesien en aan gewerk en areas in klasverband wat aandag nodig het word ook gouer opgetel en kan dan met ekstra aandag ontwikkel word. Die program is verbruikersvriendelik en die kinders geniet die verskeie aktiwiteite baie, omdat dit volgens hul ouderdomsgroepe opgestel is. Dit bied vir hulle ook soms uitdagings , en genotvolle speletjies. Ek sal die Exito Program aanbeveel. Madel Genis, Skoolhoof, Marmatertjies Kleuter Akademie 

Wat ontvang jy as skool?

Die program bestaan uit twee fasette wat afsonderlik gekoop kan word:

Evalueringstelsel

Die evalueringsstelsel bestaan uit 'n:

Mylpaalboek en 'n 

Evalueringskaartboek 

Mylpaalboek

Die Mylpaalboek dui al die mylpale aan wat 'n kind moet bereik vir sy ouderdomsgroep. Dit bevat ook ’n volledige afmerklysie vir die onderwyser waarvolgens kinders se ontwikkeling en vaardighede ge-evalueer word. Die evaluering verskil van jaargroepe bv. die 1 Jaar groep verskil mylpale baie van maand tot maand dus is daar ’n 4m - 12 maande lysie en daarna is daar ’n 15 en 18 maande lys. Die kind word dus op sy spesifieke ouderdom ge-evalueer. Die 2 jaar groep het ’n 2 jaar en ’n 2 jaar 6 maande evalueringslys en van 3 jaar - 6 jaar is daar mylpaalevaluerings vir Maart, Junie en Novembermaand. 

Byvoorbeeld

Wanneer 'n kind van 5 se balans getoets word dan moet hy op een beentjie kan staan vir 10 sekondes met sy ogies oop. Dit word presies so uiteengesit vir 'n onderwyser en hulle moet net vir die kind die opdrag gee. Indien die kind dit kan doen word dit afgemerk op die lysie indien nie, word dit nie gemerk nie. Op so 'n manier kan die onderwyser maklik deur die mylpale gaan en probleemareas vinnig identifiseer en aandag gee daaraan. 

Evalueringskaartboek

Die Evalueringskaartboek kom ter sprake wanneer ons die kinders se visuele persepsie moet toets. 

Byvoorbeeld

Die 5 jarige kind moet in terme van grootte kan onderskei tussen 'n klein sirkel en 'n groot sirkel wat tussen 7 ander sirkels geplaas is. Dus wanneer die onderwyser by die visuele evaluering kom op die afmerklysie dan maak sy net die evalueringskaartboek oop, lees die instruksie bo aan die spesifieke bladsy en vra vir die kind dan om die grootste sirkel uit te wys op daardie bladsy en dan die kleinste een. Die kind wys dan net na die prentjie en juf./mnr kan dan op die lysie af tik of hy dit kan doen of nie. 

Onderwysers hoef ook glad nie addisionele materiaal voor te berei nie, omdat alles reeds in die boek is.

Byvoorbeeld

Indien 'n kind se skêrhantering getoets moet word, is daar reeds 'n bladsy in die boek met die nodige lyne en blokkies wat hy moet knip die onderwyser hoef niks voor te berei nie, dit is als reeds daar. Of indien 'n kind verskille moet uitwys is daar reeds 'n prentjie en die kind moet net die verskille uitwys op die prentjie.

Die evalueringskaartboek het ontstaan nadat ons ontwikkelaars intensief saam met onderwysers gewerk het en die onderwysers die behoefte uitgespreek het vir ‘n gestandardiseerde manier van evaluering. Hulle het verduidelik dat wanneer hulle kinders leer om tussen kleure te onderskei, hulle dit elke dag op ‘n ander manier doen, bv. een dag met boontjiesakkies en dan weer met kryte of blokkies. Dit is ‘n uiters effektiewe manier om kinders te leer en help om hulle aandag te hou maar hulle het gevoel dat wanneer dit by evaluering kom dit baie belangrik is dat al die kinders blootgestel word aan presies dieselfde stimulus sodat effektiewe evaluering kan plaasvind.

Jaarboek

Die Jaarboek Bevat:

40 Aktiweite wat jaargroep spesifiek is en 

Grof Motories, Fyn Motories en Persepsie ontwikkeling stimuleer.

Jaarboek

Die Jaarboek bevat weeklikse aktiwititeite wat gegrond is op een hoofdoel per week. Een week sal bv. fokus op grof motories en dan weer op fynmotories of persepsie ontwikkeling, maar die aktiwiteite is so saamgestel dat selfs wanneer die hoofdoel vir die week op grof motories is ondersteun die aktiwiteite steeds ook fyn en persepsie ontwikkeling om holistiese ontwikkeling te verseker. Dit verskil ook van ouderdomsgroep. Ons 2 jariges sal vir bv. drie weke grof motories doen en dan een week fyn motories omdat 'n 2 jarige se ontwikkelingsmylpale meer fokus op grof motories. Die 6 jariges verskil elke week, een week is grof, een week fyn en een week is persepsie omdat alles op daardie ouderdom ewe belangrik is en ook met mekaar moet integreer vir skoolgereedheid. Elke week kry die onderwyser hulle aktiwiteite, 'n volledige lys benodigdhede asook die doelstellings. Daar word ook vir onderwysers gewys hoe om die aktiwiteite weekliks te evalueer. Dus kan onderwysers net aan die einde van die kwartaal terug blaai na die weeklikse evaluerings en daarvolgens 'n verslag saamstel. Indien 'n kind meestal vir grof motoriese aktiwiteite 1's gekry het is dit nodig om hom te verwys na 'n arbeidsterapeut, indien sy grof motories meestal 2's was is dit belangrik dat juffrou en die ouers ekstra aandag moet gee en indien 'n kind meestal 3's kry weet ons dat hulle ontwikkeling in lyn is met die mylpale vir sy of haar ouderdom. Die boekies bevat ook alle werkskaarte wat die onderwyser sal benodig vir die aktiwiteite sodat hulle niks self hoef uit te werk nie. 

Klouter Klitsies Kleuterskool

Gromar

Die Exito arbeidstimulasie program, is 'n puik program wat kind in totaliteit stimuleer. Van Fynmotoriese vaardighede, Persepsie, Grof motoriese vaardighede en sensoriese ontwikkeling is in prettige, weeklikse aktiwiteite uitgewerk, sodat onderwysers dit maklik kan verstaan, kan aanbied en weet wat die uitkomste is vir elke les. Ons Kleuterskool, Klouter Klitsies, kan getuig dat die program 'n groot verskil gemaak het in ons kleuters. Karlien Wessels, GR R Juffrou Klouter Klitsies - Groblersdal 

Die EXITO program word voluit gevolg in my dagprogram by die 3-4 jaar klas. EXITO is ‘n program wat die kleuters baie goed toerus en wat my as onderwyseres baie gehelp het. Omdat Exito deur arbeidsterapeute saamgestel is word elke vlak van ontwikkeling volledig behandel en bemeester. Die oefeninge word behandel en gedemonstreer en dit maak die program baie gerbuikersvriendelik. Die oefeninge en akademiese ontleding in die program is baie goed en ek kan die program met graagte aanbeveel. Indien die program gevolg word is jy verseker dat alle kognitiewe, konsentrasie, persepsie , ruimtelike orientasie , fyn- asook groot motoriese probleme vroeg aangespreek kan word, waarna daar meer intens met kleuters afsonderlik gewerk kan word. EXITO is ‘n groot aanwins by ons skool en rus ons as onderwysers asook die kleuters toe met kennis. Raline Pretorius, Onderwyser 3-4 jaar Klouter Klitsies - Groblersdal 

Christelike Privaatskool Leipoldtville

Ons Skool, Ons Trots

Die Exito-program is goed en netjies uiteengesit. ‘n Mens kan sien daar is baie moeite en deeglike beplanning gedoen. Daarom kan ek beslis sê dat dit gebruikers vriendelik is. Die leerders het aktiwiteite geniet soos die een van springmielies waar balle op kombers/laken geskud moet word. Hulle het ook die aktiwiteit waar hulle in kombers opgerol word en dan self moet uitrol geniet. Ek sal beslis die program aanbeveel, want leerders sal beslis daarby kan baat en holisties ontwikkel. Groete Juffrou Ria

Ontmoet die Arbeidsterapeute agter die progam

Marianne Kotzé

Marianne Kotzé het in 2011 haar kwalifikasie in Arbeidsterapie (B.Arb) aan die Universiteit van Stellebosch ontvang. Sy het toekennings ontvang aan die einde van haar studies vir die beste akademiese prestasie oor die verloop van 4 jaar, die beste bestuur van ‘n gemeenskapdiensprojek en sy was deel van ‘n groep wat die prys ontvang het vir die beste navorsingsstudie in 2011 . Sy gaan doen haar Gemeenskapsdiens jaar in Groblersdal in 2012. In 2013 begin ‘n privaat praktyk tussen Bela Bela, Modimolle en Mokophong tot einde 2015 waarna sy na Groblersdal verhuis het en tans steeds in privaat praktyk is. In 2014 begin sy as mede eienaar Éxito stimulasie program ontwikkel en is steeds betrokke by die verdere ontwikkeling van die projek. Sy het in 2017 haar spesialisasie in Sensoriese Integrasie voltooi en is nou ‘n geregistreerde ASI terapeut by SAISI. Sy is ‘n dinamiese terapeut met ‘n passie om ‘n verskil te maak in kinders se lewens.

Cecile Nieuwoudt

Cecile Nieuwoudt het in 2011 haar kwalifikasie in Arbeidsterapie (B. Arb) aan die Universiteit van Stellenbosch ontvang waar sy ook deel was van ‘n groep wat die prys ontvang het vir die beste navorsingsstudie in 2011. Haar Gemeenskapsdiensjaar was voltooi in Bethelehem, Vrystaat, in 2012 waar sy by verskeie klinieke in die omgewing gewerk het. In 2013 begin sy in privaat praktyk wat hoofsaaklik gefokus is op kinderontwikkeling en werk in Vredendal, Clanwilliam en Citrusdal en het intussen ook uitgebrei na Leipoldtville. Saam met Marianne Kotzé begin skryf en ontwikkel hulle in 2014 die Éxito stimulasie program en is steeds aktief betrokke by verdere uitbereidings van die program. Met die uitbreiding van haar kennis en persoonlike vaardighede is sy doelgerig om ‘n verskil te maak in kinders se kwaliteit van lewe.

Copyright 2023 - Éxito Stimulasie - Merke, Gereed, gaan!