Éxito-Kids

Teken nou in en kry jou Eerste Maand Gratis! 

Gee jou kind 'n voorsprong in die lewe met ons weeklikse ouderdomspesifieke aktwiteite wat grof, fyn, perseptuele en sensoriese vaardighede sal ondersteun en bevorder! 

Wat is die Exito-Stimulasie 

Program?

​Exito is 'n Tuis-Stimulasie-Program vir kinders vanaf 0 tot 6 jaar.

​Dit bestaan uit basiese aktiwiteite wat jou kind se normale ontwikkeling in terme van grof, fyn, perseptuele en sensoriese vaardighede sal ondersteun en bevorder.

Wat Maak Die Program So Uniek?

Aktiwiteite is ouderdom spesifiek geskryf vir die ondersteuning van normale ontwikkeling

​Die aktiwiteite is eenvoudig geskryf en doenbaar vir die elke dag mamma, ouma of oppasser

​Die aktiwiteit gaan verseker dat die tyd (kort maar effektief) saam met jou kleinding kwaliteit tyd is wat ook sal sorg vir “bonding”

​Die aktiwiteite word uitgevoer met eenvoudige items wat reeds in die huis is of maklik bekombaar is en jou nie ‘n arm en been gaan kos nie

​Aktiwiteite is PRET en RYK aan stimulasie

Wil jy meer weet van die 

Éxito Program?

Vul jou besonderhede in 

en Cecile of Marianne 

skakel jou terug!

Ontwikkel deur 

Mammas wat Arbeidsterapeute 

is

vir

Mammas 

wat nie is nie.

Elishia Dixon, Janli (9 maande oud) se mamma

"Ons doen die sewe tot nege maande tuis stimulasie program en ons dogtertjie was soms lekker uitgedaag, maar ons kon met elke week se oefeninge haar vordering sien, en sy presteer so mooi volgens haar mylpale. Ons geniet die oefeninge so baie, behalwe vir die feit dat dit ons kleinding stimuleer is dit ook so lekker en spesiaal om al van so kleins af sulke aktiwiteite saam met haar te kan doen, en dan natuurlik haar duidelike vordering te kan sien. Dis ongelooflik! " - Elishia Dixon 

Adri Scholtz, Nina (11 maande oud) se ouma

"Éxito saam my kleinkind is so lekker. Dit laat my elke keer net weer besef hoe die eenvoudigste alledaagse items ‘n klein lyfie so baie kan leer. Sommer goedjies so uit my huis of tuin. Dit is te lekker. Ek en sy speel en leer ewe lekker saam. Sy is ouma se slimste pop. Baie trots op haar. Adri Scholtz en baba Nina 0-1 jaar." - Ouma Adri Scholtz 

Waaroor gaan die Éxito Stimulasie program?

Die Éxito Stimulasie Program is ‘n stimulasie program vir kinders van 0 tot 6 jaar oud. Dit bestaan uit basiese aktiwiteite, een per week, wat jou kind se normale ontwikkeling in terme van grof, fyn, perseptuele en sensoriese vaardighede sal ondersteun en bevorder. Een keer 'n maand ontvang jy 'n epos met al die aktiwiteite vir die betrokke maand, gebasseer op jou kind se ouderdom bv. 2jr 4mnde oud. Die aktiwiteite word BAIE goed verduidelik met ondersteunende prentjies sodat jy as ouer presies weet wat om te doen. Elke aktiwiteit het ook 'n lys van benodigdhede by sodat jy weet wat jy bymekaar moet kry voordat julle wegspring.

Wat die Éxito stimulasie program uniek maak is dat die aktiwiteite onmiddellik beskikbaar is. Mamma hoef nie te wag of ekstra geld te spandeer aan posgelde of aan items nie. Die benodigdhede is goed wat jy in en om die huis kan kry en is daarom baie koste-effektief. Nie net verseker die program dat jou kind sommer lag-lag mylpale bereik nie, maar dit verseker ook dat jy as ouer presies weet wat jou kind op watter ouderdom moet kan doen. Dus kan jy vinnig probleme identifiseer en hulp kry indien nodig. Dit is sommer ook heerlike speeltyd vir mamma en kind. Mammas hoef nie speletjies uit te dink nie hulle kan net die aktiwiteite nader trek en wegval met die pret! Gerieflike, sinvolle aktiwiteite wat speel uitlok en ryk is aan stimulasie vir al die areas van ontwikkeling. 

Eenvoudige aktiwiteite wat speel uitlok en ryk is aan stimulasie vir al die areas van ontwikkeling !

Mari Esterhyse 

Stoumann se mamma

Die stimulasieprogram vir my as Mamma, help my BAIE! Dit is my redding as ek vinnig vir die 'nanny' ñ aktiwiteit wil gee wat sy met my seuntjie kan doen! Wat dit so lekker maak, is dat dit só volledig uiteengesit en bewoord is. Daar is by elke aktiwiteit fotos by, asook die apparaat waarvan jy gebruik kan maak. Dit maak dit soveel makliker! Ek sal dit definitief aanbeveel vir nuwe mammas of mammas wat hulle babas wil bekend stel aan die aktiwiteite. My seuntjie het so vinnig sterk geword en gevorder a.g.v. die aktiwiteite. My seuntjie geniet die stimulasie aktwiteite & ek as Mamma voel skuldig as ek die dag nie iets gedoen het nie..so baie is dit van hulp vir my! Ek gaan reeds die volgende 3 maande se aktiwiteite aanvra tot hy 1 jaar oud is! Dit is regtig die moeite werd

Lizaan Burger

Katrien se mamma

As werkende mamma is Exito die perfekte program vir ons. Die oefeninge is lekker om elke middag te doen en maklik genoeg dat ons "nanny" ook betrokke kan wees. Die oefeninge is ook lekker want dit voel of ons speel en ons kan ons eie speel goedjies gebruik. Dit wat sy nog nie 100% regkry nie herhaal ons en dan is dit lekker om die vordering te sien wat sy maak. Met die gebruik van die program kon my baba al rukkies aleen vanaf 15 weke en kan ek sien hoe sy sterker raak soos ons vorder. Ek sal defnitief Exito vir elke mamma en baba aanbeveel!! 

Michelle Holtzhausen

Zarius se mamma

My Seuntjie is 6jr en 8mnde en ons geniet die program verskriklik. Die aktiwiteite is vir hom lekker en al die toerusting wat ons benodig is sommer in en om die huis. Dis kosbare speeltyd vir ons en hy mis dit vir niks nie. Elke week begin ons met 'n oefening wat vir hom moeilik is maar aan die einde van die week dan loop dinge sommer klopdisselboom en ek kan sien hoe trots hy op homself is omdat hy dit nou regkry. Hierdie program is nie 'n "nice to have" nie dis 'n "must have" vir elke ma en kind.

Ontmoet die 

Mammas(Arbeidsterapeute) 

agter die program.

Marianne Kotzé

Marianne Kotzé het in 2011 haar kwalifikasie in Arbeidsterapie (B.Arb) aan die Universiteit van Stellebosch ontvang. Sy het toekennings ontvang aan die einde van haar studies vir die beste akademiese prestasie oor die verloop van 4 jaar, die beste bestuur van ‘n gemeenskapdiensprojek en sy was deel van ‘n groep wat die prys ontvang het vir die beste navorsingsstudie in 2011 . Sy gaan doen haar Gemeenskapsdiens jaar in Groblersdal in 2012. In 2013 begin ‘n privaat praktyk tussen Bela Bela, Modimolle en Mokophong tot einde 2015 waarna sy na Groblersdal verhuis het en tans steeds in privaat praktyk is. In 2014 begin sy as mede eienaar Éxito stimulasie program ontwikkel en is steeds betrokke by die verdere ontwikkeling van die projek. Sy het in 2017 haar spesialisasie in Sensoriese Integrasie voltooi en is nou ‘n geregistreerde ASI terapeut by SAISI. Sy is ‘n dinamiese terapeut met ‘n passie om ‘n verskil te maak in kinders se lewens.

Cecile Nieuwoudt

Cecile Nieuwoudt het in 2011 haar kwalifikasie in Arbeidsterapie (B. Arb) aan die Universiteit van Stellenbosch ontvang waar sy ook deel was van ‘n groep wat die prys ontvang het vir die beste navorsingsstudie in 2011. Haar Gemeenskapsdiensjaar was voltooi in Bethelehem, Vrystaat, in 2012 waar sy by verskeie klinieke in die omgewing gewerk het. In 2013 begin sy in privaat praktyk wat hoofsaaklik gefokus is op kinderontwikkeling en werk in Vredendal, Clanwilliam en Citrusdal en het intussen ook uitgebrei na Leipoldtville. Saam met Marianne Kotzé begin skryf en ontwikkel hulle in 2014 die Éxito stimulasie program en is steeds aktief betrokke by verdere uitbereidings van die program. Met die uitbreiding van haar kennis en persoonlike vaardighede is sy doelgerig om ‘n verskil te maak in kinders se kwaliteit van lewe.

Copyright 2020 - Éxito Stimulasie - Merke, Gereed, gaan!